ილიას სახელმწიფო უნივერსიტეტის პიროვნული და პროფესიული განვითარების ცენტრი აცხადებს მიღებას სასერტიფიკატო კურსზე „ღვინის ტურიზმი და საოჯახო მეღვინეობა“.
კურსის მიზანია მსმენელმა შეიძინოს საფუძვლიანი ცოდნა ღვინოთმცოდნეობაში, ასევე გაეცნოს ქართული და საერთაშორისო ღვინის ბაზრის ვითარებას.
მსმენელი გაეცნობა ბიომევენახეობას, ტრადიციულსა და თანამედროვე მეღვინეობას, ასევე ღვინის, მათ შორის ქვევრის ღვინის, დაყენების მეთოდებს, საოჯახო მარნების მშენებლობის თავისებურებებს, ღვინის დეგუსტაციის სპეციფიკასა და ღვინის ტურიზმის პერსპექტივებს. კურსის პრაქტიკულ ნაწილში ადგილზე გაეცნობა საოჯახო მარნის მოწყობის სპეციფიკას.
კურსის დეტალები
სასწავლო თემატიკა
კურსის ფარგლებში შეისწავლება შემდეგი საკითხები:
- მევენახეობის შესავალი
- ბიომევენახეობა
- ყველაფერი ქვევრის შესახებ
- ღვინის დაყენება ქვევრში
- მარნის მშენებლობის თავისებურებები
- საქართველოში წარმოებული ღვინის ტიპები და ღვინის ქართული საწარმოები
- ღვინის დეგუსტაციის თეორია და პრაქტიკა
- ღვინის ტურიზმი
- ღვინის ბაზრის ზოგადი მიმოხილვა
- მსოფლიო მეღვინეობა
- პრაქტიკული გასვლა – საოჯახო მარნის მოწყობის სპეციფიკის გაცნობა ადგილზე
შეხვედრების განრიგი
ტრენინგი ჩატარდება კვირაში ორჯერ – ორშაბათს და ოთხშაბათს, 19:00 საათზე, ილიას სახელმწიფო უნივერსიტეტში ჰიბრიდული ფორმატით.
კურსის ხელმძღვანელი
შოთა შერმადინი
კურსს გაუძღვება შოთა შერმადინი – პრაქტიკოსი მეღვინე და ილიაუნის მოწვეული ლექტორი მრავალწლიანი გამოცდილებით ტრადიციული და თანამედროვე მეღვინეობის მიმართულებით.
