ილიას სახელმწიფო უნივერსიტეტის პიროვნული და პროფესიული განვითარების ცენტრი, მეცნიერებათა და ხელოვნების ფაკულტეტი და ილიაუნის თეატრი აცხადებს მიღებას სასერტიფიკატო კურსზე „საჯარო გამოსვლისა და კომუნიკაციის ხელოვნება“.
კურსის მიზანია მონაწილეებს განუვითაროს საჯარო გამოსვლისა და ადამიანებთან ეფექტური კომუნიკაციის უნარები.
პროგრამა ეფუძნება ფსიქოლოგიას, სხეულზე ორიენტირებულ პრაქტიკასა და დრამას. პრაქტიკული სავარჯიშოების საშუალებით მონაწილეები სწავლის პროცესშივე გაიუმჯობესებენ საჯარო გამოსვლისა და კომუნიკაციის უნარებს. კურსის განმავლობაში მონაწილეები თეატრის სცენაზე იმუშავებენ საჯარო გამოსვლასთან დაკავშირებული შფოთვის დაძლევაზე, თავდაჯერებულობაზე, სათქმელის მკაფიოდ და დამაჯერებლად გადმოცემასა და მსმენელებზე/მაყურებელზე გავლენის მოხდენაზე.
კურსის დეტალები
შეხვედრების განრიგი
კურსის ხელმძღვანელი
საბა ჩიხლაძე
კურსს გაუძღვება ორგანიზაციული ფსიქოლოგიის მაგისტრი საბა ჩიხლაძე. სწავლება ეფუძნება ფსიქოლოგიას, სხეულზე ორიენტირებულ პრაქტიკასა და დრამას, რაც მონაწილეებს ეხმარება რეალურ თეატრალურ გარემოში დაძლიონ საჯარო გამოსვლასთან დაკავშირებული ბარიერები.
