ილიას სახელმწიფო უნივერსიტეტის პიროვნული და პროფესიული განვითარების ცენტრი მუსიკის მასწავლებლებისა და ამ პროფესიით დაინტერესებული პირებისთვის აცხადებს მიღებას ახალ სასერტიფიკატო კურსზე „მუსიკალური ფორმის ანალიზი“.
კურსის მონაწილეები გაეცნობიან მუსიკის ძირითად ჟანრებსა და ფორმებს, გამოიმუშავებენ პრაქტიკულ უნარებს, რომლებიც დაეხმარებათ როგორც საგნის გამოცდის ჩაბარებაში, ისე პედაგოგიურ საქმიანობაში. სასწავლო პროგრამის მიზანია მუსიკალური ჟანრებისა და ფორმების სიღრმისეული შესწავლა ისტორიული ეპოქების ჭრილში.
მსმენელები შეისწავლიან, რას წარმოადგენს მუსიკალური ფორმა და სტრუქტურა, რა ელემენტებისგან შედგება მუსიკალური სინტაქსი, რა ხერხებით ვითარდება მუსიკალური მასალა და რა კანონზომიერებები თუ ფორმები ახასიათებს კონკრეტულ ისტორიულ ეპოქებს.
თეორიულ ცოდნას მონაწილეები პრაქტიკაში გამოიყენებენ და სასკოლო კურიკულუმის გათვალისწინებით სხვადასხვა ეპოქის, სტილისა და ჟანრის აკადემიური კომპოზიციების ანალიზს შეძლებენ.
კურსს გაუძღვება ქეთევან შენგელია, ილიას სახელმწიფო უნივერსიტეტის პროფესორი, მუსიკის ცენტრის ლექტორი, რენესანსისა და ბაროკოს მიმართულების წამყვანი და საჯარო სკოლის მუსიკის მასწავლებლის მომზადების პროგრამის ხელმძღვანელი.
ფორმატი: ონლაინკურსი
სამუშაო ენა: ქართული
დაწყების თარიღი: 20 ივნისი
გრაფიკი: კვირაში 2 დღე (სამშაბათი და პარასკევი), 19:00 საათი
ხანგრძლივობა: 28 საკონტაქტო საათი
ღირებულება: 180 ლარი
კურსის წარმატებით დასრულების შემდეგ გაიცემა ილიას სახელმწიფო უნივერსიტეტის სერტიფიკატი.
რეგისტრაციისთვის აუცილებელია ელექტრონული სააპლიკაციო ფორმის შევსება ბმულზე: https://forms.gle/VX1y33fSj5mgn34n8
აპლიკაციის გაგზავნის ბოლო ვადა: 14 ივნისი
2026
